Islamic Blog

Islamic Updates




Islamic Knowledge

Tehreer

Ek Baar Jab Jibrail(as) Nabi kareem(s.a.w) k paas aye to Muhammad Sallallahu alaihi wasallam ne dekha k Jibrail kuch pareshan hai,
Aapne farmaya Jibrail kya mamla hai k aaj mai aapko ghamzada dekh raha hoo,

Jibrail ne arz kiya Aye Mehboob e kul Jahan Aaj mai Allah paak k hukm se Jahannum ka nazara karke aaya hoo isko dekhne se mujh pe ye Gham k Aasaar namodar hoye hai,

Huzoor ne farmaya mujhe bhi Jahannum k halaat batao,Jibrail ne Arz kiya k Jahannum k kul Saa(7)darje hai,
In mai jo Subse neeche wala darja hai Allah isme munafiqo ko rakega,
Isse oper wale 6 darje me Allah Mushrik logo ko dalainge,

5 darje me Allah Sooraj aur Chand ki parastish karne walo ko Dalainge,

4 darje me Allah Aatish parast logo ko daleinge,

3 darje me Allah yahood ko dalainge aur 2 darje me Esaiyo ko Daleinge ye kehkar Jibrail(as) khamosh ho gaye

To huzoor ne poocha aap khamosh kyu ho gaye mujhe Batao k pehle darje me kon hoga,

Jibrail ne arz kiya aye Allah k Rasool pehle darje me Allah paak aapke Ummat k Gunehgaro ko dalainge Huzoor ye Sunte hi Behad Ghamgeen ho gaye aur aapne Allah se Duayein Karna Shuru ki,

Teen din aise guzre k Allah k Mehboob masjid me Namaaz padhne k liye tashreef laate,namaaz padhkar hujre me tashreef le jate aur Darwaza band karke Allah k huzoor ro rokar Faryaad karte
Sahaba pareshan thai k huzoor par ye kaisi kaifiyat taari hoi hai,Masjid se hujre jate hai Ghar bhi tashreef nahi le ja rahe hai,

Jab teesra din hoa to Syedna Hazrat Abu bakr rz se raha nahi gaya wo darwaze pe dastak diye aur Salaam kiya laikin Salaam ka jawaab nahi aaya, Aap rote hoye Syedna Omer rz k paas aaye aur farmaya maine Salaam kiya laikin Salaam ka jawaab na paya lihaza aap ko ho sakta hai Salaam ka jawaab mil jaye,Aap gaye aur aapne teen baar salaam kiya laikin jawaab na aaya Hazrat omer ne Hazrat Salman Faarsi rz ko bheja laikin phir bhi jawaab na aaya,

Hazrath Salman faarsi ne Hazrath Ali rz ko poora waqiya sunaya Hazrath Ali rz ne Soncha k jab itne Azeem Shakhsiyaat ko salaam ka jawaab na mila to mujhe bhi khud nahi jana chahiye balke Mujhe unki Noor e Nazar Beti Hazrath Fatima(rz) ko andar bhejna chahiye,
Lihaza aapne Hazrath Fatima ko sab ehwaal bata diye Aap Hujre k darwaze par aayi,
“Abba jaan Assalamu alaikum”
Beti aawaz sunkar Mehboob e Kaynaat uthe Darwaza khola aur Salaam ka jawaab diya,
Abba jaan aap par kya kaifiyat hai k Teen din se aap yaha tashreef farma hai,
Huzoor ne farmaya k Jibrail mujhe aagaah kiya k meri Ummat bhi Jahannum me jayegi,
*Fatima beti mujhe apni Ummat k Gunehgaro ka Gham khaye ja raha hai*aur mai apne malik se duaye kar raha hoo k Allah unko Maaf karde aur Jahannum se bari karde, ye kehkar Sajde me chale gaye,
aur Rona shuru kar diya Ya Allah meri Ummat,Ya Allah meri Ummat,Ya Allah meri Ummat k Gunehgaro pe rahem kar unko Jahannum se Azaad kar, k itne me Wahi nazil huyi
وَلَسَوفَ یُعطِیکَ رَبُّکَ فَتَرضَی
Aye Mere Mehboob Gham na kare mai tum ko itna ata kar doonga k Aap raazi ho jaoge
Huzoor Khushi se khil uthe aur Farmaya logo Allah ne mujhse wada kar liya hai k wo Roz e khayamat mujhe meri Ummat k maamle me khoob raazi karega aur mai is waqt tak raazi nahi hoonga jab tak mera Aakhri Ummati bhi Jannat me na chala jaye…

likhte hoye Aankho se aansoo Aa gaye k Hamare Nabi itne Shafeeq aur Gham mehsoos karne wale aur badle me hamne inko kya diya?Aapka ek Second is Tehreer ko doosre logo tak pahunchane ka zariya hai,Meri aapse Guzarish hai k bekaar aur be faida post hum Share karte hai, Aaj apne Nabi ki Rehmat ka pehlu kyu na Share kare

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm
mm
As-salam-o-alaikum my self shaheel Khan from india , Kolkata miss Aafreen invite me to write in islamic blog i am very thankful to her. i am try to my best share with you about islam.