Islamic Blog

Islamic Updates




Islamic Knowledge

Wakya E Kisra

*** Assalamu Alaikum ***
Dosto-ARAB ki Taareekh Gawah Hai – ki- RASOOL ULLAH (sal lal Laho alaihe wasallam) ki Shaan me Gustakhi Karne walo ka kya Anjaam Huwa
isi Zimn me- Sha’he Kisra ka Wakya Mashoor Hai
RASOOL ULLAH (s.a.w) ne “SuLeh Hudebiya” ke Baad MukhtaLif Badshaho ke Naam KHAT (Letter) Likhwa kar Bheje- aur- Unhe islaam Qubool karne ki Daawat Di
Unme Ek Khat AAP (s.a.w) ne Hazrat Abdulla bin Huzafa ke Haatho se “Shahen’shah” IRAN (Khusro Parvez) ke Naam Rawana Farmaya
Jab- Kisra ke Paas Khat Pahuncha
Aur- Usne Khat Parwa kar Suna- to- Gusse me Aag BaguLa Ho gya
Khat ke Tukre Tukre Karke Phenk Diya
Aur- Nihayat Muta’kabbirana Andaaz me Bola > Meri Riaya me se Ek Hakeer Ghulam Apna Naam Mujhse Pahle Likhta Hai- aur- Mujko Yeh KHAT Likhta Hai ki Mujh per IMAAN Laao – Halanki Yeh Shaks Mera Ghulam Hai
(NAUZU BILLAH)
Abdullah bin Huzafa ne Waapas Aa kar Poora Qissa AAP (s.a.w) ko Sunaya
To- AAP (s.a.w) ne Farmaya > *Jis Tarha Usne Mera Khat Phara Hai -isi Tarha se Samjho Kisra ka MuLk bhi Tukre Tukde aur Paara paara Ho gya
Idher Kisra ne Apne YAMAN ke Governur BAZAN ko Hukm Diya > ki – Yeh Jo Shaks (MOHAMMED (s.a.w) Hijaz me Hai – isko Giraftar karke Mere Paas Haazir Karo
Bazan ne Fauran Ek Farman 2 Aadmiyo ko Deker Rawana Kiya
Jisme -AAP (s.a.w) ko Hukm Diya Gaya tha-ki- Unke Saath KISRA ke Paas Fauran Haazir Ho Jaye
Yeh Dono Aadmi Bazan Ka Khat (farman) Le kar “Baar gahe Nabuwat” me Pahunche
To- AAP (s.a.w) ki Azmat Dekh kar Bahut Mutasir Huwe- isi Haalat me Bazan ka Khat AAP (s.a.w) ki Khidmat me Pash Kiya
Khat Sun ker AAP (s.a.w) Muskuraye
Aur – Dono ko islaam ki Daawat Di
Aur- Farmaya > ki HUM KAL MILTE HAIN
idher – ALLAH ki Shaan-ki- isi Raat Kisra ke Khilaf Zabardast BAGAWAT ka SHOLA Bharak Utha
Khusro ke Apne Hi Bete SHERU’WIYA ne Usko QATEL kar Diya- aur- Khud Badshah Ban Baitha
idher MADEENA me Jab Subha Huyi
To- Woh Dono Faarsi AAP (s.a.w) ke Paas Haazir Huwe
To- AAP (s.a.w) ne Unse Farmaya > ki Aaj Raat Fula Waqt ALLAH ne Kisra Per Sheruwiya ko Qabiz kar Diya – aur- Sheruwiya ne Apne Baap ko Qatel kar Daala
Woh Dono Shaks Sun kar Hairan Rah Gaye
AAP (s.a.w) ne Farmaya > Tum Waapas Jaa ker BAZAN ko Yeh Sab Haal Bayan Karo
Aur – Bazan se Yeh bhi Kahna > Mera Deen Meri Hukumat KISRA ke bhi Bahut Aage tak Pahuche gi
Aur – Ager Tum Imaan Le Aao – To- Tumko Tumhare Ohde per Hum Bar karar Rakhenge
Yeh Bate Jab BAZAN tak Pahunchi
To- Usne Kaha ki Yeh Bate Badshaho ki Nahi Hain
Ager Yeh Khabar Sachchi Hai – to- isme koi Subho Nahi ki Woh ALLAH ke NABI Hain
Chunan’che- kuch Arse Baad BAZAN ke Paas Khat Aaya – ki Sheru’wiya ne Apne Baap ko Qatel kar Diya Hai
Ab- Jabki BAZAN ko is Khabar ki Tasdeek Ho gayi- to – Woh Khud bhi aur Apne Khandan “Rishte Ahbab” ke Saath isLam ki Qubool kar Liya
is tarha Mulke YAMAN me Bahut Tezz islam Phail Gya
RAHMAT E AALAM (s.a.w) ne BAZAN Hi ko Yaman ka Haakim Bar’karar Rakha
Udher IRAN me -Sheruwiya ka bhi Anjaam Achcha Na Huwa
Jald Hi Uska bhi Kaam Tamam Ho gya
Aur Uske baad irani Hukumat Barbad Hoti Chali gayi
Aakhir kar – Saad ibne Abi wakkas (r.a) ki Qayadat me IRAN per Musalmano ka MukammaL Qabza Ho gya
Aur Jab KISRA ke MaheL per Qabza Huwa- to- MaheL me Ajeeb Ajeeb Cheeze thi – Usme KISRA ka Azimusshan TAKHT (Jispe Baith ker Woh Sharab piya karta tha)
Aur – Kisra ka Woh Mashoor Kaaleen (Bahare kisra) Use Hazrat UMER bin KHATTAB (r.a) ki Khidmat me Madeena Rawana Kiya Gya
Jisko Dekh ker Log Hairan Rah Gaye
Kyuki- Woh 90 Guz Lamba 10 guz Chaura tha
Usme- Phool-Pattiya- Darakht- Nahre- Sone Chandi Jawahrat ke Banaye Gaye the
Yeh Sab Cheeze Hazrat UMER (r.a) ne Musalmano me Takseem ker di
Aur- Kisra ke Kaaleen ko Bhi Kaat Kaat ker Musalmano me Takseem kar Diya Gya
*Wah re Kisra – Toone Hamare Pyare NABI (s.a.w) ka Khat Tukre Tukre Kiya
Aaj Tera Mahboob Kaaleen Tukre Tukre Karke NABI (s.a.w) ke Ghulamo me Takseem Ho Raha Hai
*Duniy Walo Dekh Lo Sadakat RASOOL (s.a.w) ki*
*** {{{ $UBHAN ALLAH }}} ***

mm
mm
As-salam-o-alaikum my self shaheel Khan from india , Kolkata miss Aafreen invite me to write in islamic blog i am very thankful to her. i am try to my best share with you about islam.