Ameerul Mominin Hazrat Ali Bin Abu Talib KaramallahuWajhulKarim Mulk Aur Awam Ke HalatSe Ba Khabar The Khsusan Yatimo, Bewao, Garibo Se Gafil Nahi Hote The Lekin Kabhi Apni Hukumat Ke Karindo Aur Ummate Islamiya Ko Sabak Dene Ki Liye Ek Aam Insan Ki Tarah Kaam Kiya Karte The.
Ek Roz Aapne Dekha Ki Ek Aurat Apne Shaano Par Paani Ki Ek Mashak Rakkhe Jaa Rahi Hai, Aapne Usse Mashak Li Aur Uske Ghar Tak Pohcha Di, Aur Fir Us Aurat Ke Halat Daryaft Kiye, Us Aurat Ne Kaha Ali Ne Mere Shohar Ko Kisi Sarhad Par Bheja Jo Wahan Qatal Ho Gaya, Ab Mere Yatim Bacche Hai Aur Unke Kharch Ke Liye Bhi Mere Paas Koi Chiz Nahi Hai Isliye Khud Hi Kaam Karne Par Majbur Hu.
Amirul Mominin Apne Bayt ul Sharaf Palat Aaye Aur Puri Raat Pareshani Aur Becheni Ke Aalam Me Guzari, Jab Subah Namudar Hui Aapne Khane Peene Ka Kuchh Saman Liya Aur Uske Ghar Ki Taraf Rawana Hue,
Aap Ke Baaz As’hab Ne Kahan Layiye Ye Bojh Hume De Dijiye Taaki Hum Uske Ghar Tak Pohcha De,
To Hazrat Ali Ne Farmaya Qayamat Ke Din Mera Bojh Kaun Uthayega ?
Us Aurat Ke Ghar Ke Darvaze Par Pohche Aur Darvaza Khat Khataya,
Us Aurat Ne Sawal Kiys Kaun Hai Jo Darvaza KhatKhatata Hai ?
Hazrat Ali Ne Farmaya Mai Wohi Banda Hu Jisne Kal Tumhari Paani Ki Mashak Tumhare Ghar Tak Pohchayi Thi, Darvaza Kholo Mai Baccho Ke Liye Khane Peene Ka Saman Laaya Hu,
Aurat Ne Kahan Khuda Tumse Khush Ho Aur Mere Aur Ali Ke Darmiyan Faisla Kare.
Hazrat Ali Makan Me Dakhil Hue Aur Farmaya Mai Tumhari Madad Karke Sawabe Ilahi Hasil Karna Chahta Hu, Roti Banane Aur Baccho Ko Behlane Me Se Ek Kaam Mere Havale Kardo,
Aurat Ne Kahan Mai Rotiya Bana Sakti Hu Lihaza Aap Baccho Ko Behlaye, Aurat Ne Aate Ki Rotiya Banana Shuru Aur Hazrat Ali Gosht Aur Khurma Baccho Ko Khurma Khilane Lage,
Jab Bacche Lukme Khate To Hazrat Ali Baccho Se Farmate Mere Beto ! Ali Ki Wajah Se Tum Par Jo Musibat Padi Hai Unko Maaf Kar Dena !!
Jab Jab Aata Gund Gaya To Aurat Ne Kahan Aye Bande Khuda ! Tannur Roshan Karo,
Hazrat Ali Tannur Ki Taraf Gaye Aur Usko Roshan Kiya, Aur Tannur Se Shole Nikalne Lage To Apne Chehre Ko Uske Nazdik Le Gaye Taaki Hararat Chehre Tak Pohche, Aur Farmate The Aye Ali ! Bewa Aur Yatim Baccho Ke Haq Se Gafil Hone Ki Saza Aag Hararat Hai.
Tabhi Padosh Ki Ek Aurat Aayi Aur Usne Hazrat Ali Ko Pehchan Liya Aur Baccho Ki Maa Se Kahan Waa’Ae (Ek Kism Ki Lanat) Ho Tujh Par Ye Amirul Mominin Hai,
Ye Sun Kar Wo Aurat Aap Ki Taraf Daudi Aur Musalsal Kehti Jati Thi Ya Amirul Mominin ! Mai Aap Se Bahut Sharminda Hu..!!
Amirul Mominin Hazrat Ali Ibne Abu Talib Ne Farmaya :
Aye Kaneeze Khuda Mai Tujh Se Jyadah Sharminda Hu Ki Tere Haqq Me Kotahi Ki Hai.”
-[ Manaqib Jild : 2 Safha : 115 ]
-[ Biharul Anwar Jild : 13 Safha : 51 Baab : 103 Hadith : 20 ]
- Allah subhanahu se Magfirat aur Aafyiat manga karo kyuki - 14th June 2017
- Sajda e Tilawat ki dua - 14th June 2017
- Bewaon aur miskeenon ke kaam aaney wala - 14th June 2017
