Islamic Blog

Islamic Updates




Karbala
muharram

MOHARRAM-UL-HARAM WAQIYA PART 27

HAZRAT HURR RADI ALLAHU TA`ALA ANHU yazeedi lashkar se nikalkar HUSSAINI lashkar me aa gye. is tarah unhone apne aapko aag se bachakar jannat khareed li thi.aap bahut bade bahadur aur diler the.ibn-a-saad ke lashkar ke aap sipasalaar the.ibn-a-saad ne jab unhe HUSSAINI lashkar me milte hue dekha to wo bahut ghabraya aur safwaan se kaihne lag tu ja aur HURR ko samjha kar wapas fer warna ser tan se juda kar la. chunache safwaan ne HURR se akar kaha ki tum mardana aqil hokar yazeed jaise azeem haakim ki rifaqat choorkar HUSSAIN ki taraf kiyu chale aye? chalo wapas chalo. HAZRAT HURR RADI ALLAHU TA`ALA ANHU ne farmaya ab mai wapas nahi ja sakta. safwaan ne pucha kiyu? to farmaya A safwaan’ yazeed na paak hai aur HUSSAIN paak hai aur RAIHANE MUSTAFA hai .safwaan ne gusse me akar HURR ke neza mara. HAZRAT HURR ne neza tod dala aur fir use ek neza mara jo uske sine ke paar ho gya aur wo jahennum sidhar gya. ye sorat-a-halat dekhkar safwaan ke bhai daode. HAZRAT HURR ne unhe bhi maar dala aur fir khud waha se fir kar HAZRAT IMAM ke pass akar arz ki “HAZRAT ab to aap mujhse razi hai? farmaya mai tujhse razi hu, tu azaad hai, jaisa ki teri ma ne tera naam rakkha hai. HAZRAT HURR ye khuskhabri sunkar fir maidaan me aye. jis taraf hamla kiya kushto ke pushte laga diye. ek yazeedi ne akar aap ke ghode ko zakhmi kar diya. aap paidal hi ladne lage. IMAM ne dusra ghoda bhej diya HAZRAT HURR usper sawaar ho gye lekin un zalimo ne ek dum halla bol diya. HAZRAT HURR ne ek baar aur khidmat IMAM me hazir hone ka irada kiya ki gaib se awaaz ayi ab na jao HURE tumhari muntazir hai. HAZRAT HURR RADI ALLAHU TA`ALA ANHU ne wahi se arz kiya “YA IBN-A-RASOOL ALLAH” ye gulaam apke NAN JAAN ke pass ja raha hai kuch farmayiye to kaih du. IMAM NE RO RO KAR farmaya hum bhi tumhare piche aa rahe hai. uske baad HAZRAT HURR RADI ALLAHU TA`ALA ANHU zalimo ke mutaawaatir hamlo se nidhaal hokar gir pade aur IMAM ko awaaz di. HAZRAT IMAM sunkar daode aur HURR ko uthakar lashkar me se le aye. jano mubarak per unka ser rakh kar chehre ka gard wa gubaar saf karne lage. HAZRAT HURR ne apni ankhe kholi aur apna ser IMAM ke jano per dekhkar muskuraye aur jannat ko sidhare. INNA LILLAHI WA INNA ILAHI RAJIOON.
(TAZKIRA SAFA 75 SIRRUSHSAHDATAIN SAFA 22 SACCHI HIQAYAT HISSA DOYEM BAB 6 PAGE NO 378-379)

SABAK
======
HAZRAT HURR RADI ALLAHU TA`ALA ANHU apke naam ke mutabik wakayi jahennum se azzadi hasil kar ke jannat ke malik ban gye aur ye dars de gye ki dunya chand roza hai. ek din akhir marna hai fir kiyu na aisi maot mara jaye jisse ALLAH wa RASOOL khush ho aur akhbat durust ho jaye.
RADI ALLAHU TA’ALA ANHUMA
To be continued……………..

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm
mm
As-salam-o-alaikum my self shaheel Khan from india , Kolkata miss Aafreen invite me to write in islamic blog i am very thankful to her. i am try to my best share with you about islam.